viernes, 19 de junio de 2015

LOIOLAKO HONTZA ELKARTEA KONFISKATZEKO AGINDUA

Ez gera gu politika arazoetan sartuko ezta epaiak zuzenak diren ala ez eztabaidtzen hasiko, baina Loiolako Hontza Elkarteak auzoaren alde lan egiten duela argi dago, hainbat kultur ekitaldi eta kirol proba antolatuz eta auzoari bizia emanez. Ez dezagun galdu aberastasun hori!

-----------------------------------------------------------------------------------------------------------------------

HERRIKO TABERNEN AURKAKO EPAIA BERRETSI DU AUZITEGI GORENAK
Parte Zaharreko Herria eta Aitzkora, Groseko Marruma, Antiguako Antiguotarrak, Amara Berriko Ilunbe, Amarako Haritza, Loiolako Hontza eta Altzako Txalaka konfiskatzeko agindu du.
Espainiako Auzitegi Nazionalak kartzela zigorra ezarri zien hogei laguni, iazko uztailean, eta 103 herriko tabernakonfiskatzeko agindu zuen. Helegitea aurkeztu zuen defentsak. Auzitegi Gorenak partzialki onartu ditu Rufi Etxeberria, Juan Kruz AldasoroJoseba AlvarezFloren Aoiz eta Joseba Permach eta Karmelo Landaren helegiteak. Permach, Etxeberria, Aldasoro, Alvarez eta Landari urtebete eta hamar hilabeteko zigorrera murriztu die, hirukoa ezarri baitzien Espainiako Auzitegi Nazionalak. Auzia denboran luzatu izana hartu du kontuan epaimahaiak zigorra murrizteko.
Inhabilitazioa ere ezarri die tarte horretan; seina urtekoa ezarri zien Auzitegi Nazionalak. Jon Gorrotxategi, Floren Aoiz eta Antton Morcillori, berriz, urte eta erdiko zigorra ezarri die Auzitegi Gorenak, eta inhabilitazioa epe horretan. Launa urteko inhabilitazioa ezarri zien Auzitegi Nazionalak. Maiatzean bildu ziren epaileak helegiteak aztertzeko.Antxeta, Gorgo Mendi, Irati eta Harotz Toki tabernak izan ezik, gainontzekoen aurkako epaia berretsi, eta horien dekomisoa eskatu du Auzitegi Gorenak.  Iazko uztailean eman zuen Auzitegi Nazionalak 35/02 sumarioaren inguruko epaia. Bertan eman zuen 103herriko konfiskatzeko agindua, “ETAren egitura” finantzatzeagatik. Donostian zortzi herriko taberna konfiskatzeko eskatu du: Parte Zaharreko Herria eta Aitzkora , Groseko Marruma, Loiolako Hontza, AntiguakoAntiguotarrak, Amarako Haritza, Amara Berriko Ilunbe eta Altzako Txalaka.
Ostiralean herriko tabernak defendatzeko manifestazioa egingo dute Grosen, Pinares plaza, 19:00etan.

Argazkia: Hontza Elkarteko Facebook.

No hay comentarios:

Publicar un comentario